Почитувани студенти,

Ве известувам дека на 25.10.2018 (четврток) нема да се одржи настава, поради организирање на настан со гости од Турција.

Во соработка со организацијата за турска култура ТУРКСОЈ од Р. Турција, Катедрата за турски јазик и книжевност организира Одбележување на 90 години од раѓањето на киргискиот писател Џенгиз Ајтматов и 125 години од раѓањето на казачкиот поет Магџан Џумабај.

Одбележувањето и панел дискусијата ќе се одржи на 25.10.2018 година (четврток) со почеток во 14 часот во сала за седници на Факултетот.

Ве поканувам и сите ве очекувам на овој настан.

Почитувани студенти,

Добивма понуда од ТАВ Македонија за реализирање на пракса за студентите од Катедрата за турски јазик и книжевност:

1. Програмата за пракса е наменета на студенти во периодот од мај до крајот на септември во одделот за прифаќање и испраќање на патници и давањето насоки и информации на патници на терминалот на Меѓународниот Аеродром Скопје.

2. Целта на оваа програма е студентите да бидат вклучени во работниот процес за да стекнат практично искуство на работа во голема интернационална компанија, да развијат вештини за комуникацијата со различни типови на клиенти/патници, како и комуникација на различни странски јазици, спроведување на анкети, учење и помагање во процесот на чекирање и бординг на патници, како и различни процеси во доменот на аеродромското работење поврзано со патниците.

3. Практичната работа на студентите би се одвивала од мај до крајот на септември и тоа по следните услови:
– Организиран превоз до/од Аеродромот.
– Организиран оброк + дополнителен мал оброк доколку се работи во смена од 12 часа.
– Праксата ќе се одвива во смени (вклучувајќи и ноќни смени по претходно даден месечен распоред).
–  Праксата е неплатена.

4.Напомена: Пред почетокот на праксата на заинтересираните студенти, по закон ќе мора да се направи безбедносна проверка која трае 30-40 дена, па откако ќе се добие одобрение, ќе може да се определи датум за почеток на праксата.

5. Исто така, ќе биде потпишан договор за пракса со секој студент и ќе бидат назначени ментори кои ќе ги водат студентите за време на праксата и на крајот ќе биде издадена потврда за практичната работа со опис на праксата и покажаниот интерес.

Ако има потреба, за сите дополнителни прашања и за следните чекори во постапката, на Катедрата ќе одржиме кратка средба помеѓу претставниците од ТАВ Македонија и нашите заинтересирани студенти.

Прелиминарното пријавување ќе се врши кај Раководителот на Катедрата исклучиво по електронска пошта.

Со почит,
Проф. д-р Октај Ахмед,
Раководител на Катедрата за турски јазик и книжевност