Почитувани студенти,

Во врска со соопштението за можност за пракса во ТАВ Македонија, ве известуваме дека на 29.03.2018 (четврток) со почеток во 14 часот во предавалната Ашик Челеби ќе се одржи работна средба меѓу претставниците на ТАВ Македонија и заинтересираните студенти на Катедрата.

Се молат сите заинтересирани студенти за пракса да присуствуваат на овој состанок, да дојдат на време и со подготвени прашања што ги интересира доколку имаат потреба од тоа.

Со почит,

Проф. д-р Октај Ахмед,
Раководител на Катедрата за турски јазик и книжевност.

Follow

Почитувани студенти,

Добивма понуда од ТАВ Македонија за реализирање на пракса за студентите од Катедрата за турски јазик и книжевност:

1. Програмата за пракса е наменета на студенти во периодот од мај до крајот на септември во одделот за прифаќање и испраќање на патници и давањето насоки и информации на патници на терминалот на Меѓународниот Аеродром Скопје.

2. Целта на оваа програма е студентите да бидат вклучени во работниот процес за да стекнат практично искуство на работа во голема интернационална компанија, да развијат вештини за комуникацијата со различни типови на клиенти/патници, како и комуникација на различни странски јазици, спроведување на анкети, учење и помагање во процесот на чекирање и бординг на патници, како и различни процеси во доменот на аеродромското работење поврзано со патниците.

3. Практичната работа на студентите би се одвивала од мај до крајот на септември и тоа по следните услови:
– Организиран превоз до/од Аеродромот.
– Организиран оброк + дополнителен мал оброк доколку се работи во смена од 12 часа.
– Праксата ќе се одвива во смени (вклучувајќи и ноќни смени по претходно даден месечен распоред).
–  Праксата е неплатена.

4.Напомена: Пред почетокот на праксата на заинтересираните студенти, по закон ќе мора да се направи безбедносна проверка која трае 30-40 дена, па откако ќе се добие одобрение, ќе може да се определи датум за почеток на праксата.

5. Исто така, ќе биде потпишан договор за пракса со секој студент и ќе бидат назначени ментори кои ќе ги водат студентите за време на праксата и на крајот ќе биде издадена потврда за практичната работа со опис на праксата и покажаниот интерес.

Ако има потреба, за сите дополнителни прашања и за следните чекори во постапката, на Катедрата ќе одржиме кратка средба помеѓу претставниците од ТАВ Македонија и нашите заинтересирани студенти.

Прелиминарното пријавување ќе се врши кај Раководителот на Катедрата исклучиво по електронска пошта.

Со почит,
Проф. д-р Октај Ахмед,
Раководител на Катедрата за турски јазик и книжевност

Follow

Почитувани студенти,

На Деканатската управа одржана на 14.03.2018 година, повторно се разгледа проблемот со отсуството на студентите од настава.

Пораки неисполнување на обврските, повторно се потенцира дека неоправданото отсуство повеќе од три (3) пати во еден семестар повлекува одговорност, како намалување на поените за присуство на час или, дури, забрана за полагање на краен испит.

Се молат студентите редовно да присуствуваат на наставата по сите предмети, како не би се довеле во ситуација да се превземаат мерки од страна на наставниците.

Со почит,

проф. д-р Октај Ахмед,
Раководител на Катедрата за турски јазик и книжевност

Follow