4. ДИМЕНЗИЈА

КАКВА ТРГОВИЈА СО ЛУЃЕ?

Sat, 12 May 2007 13:21:57 +0000

Честопати по електронските и печатените медиуми може да се сретне изразот „нелегална трговија со луѓе“.

Аман бе, неписмени новинари, зарем има „легална трговија со луѓе“ за да има „нелегална трговија со луѓе“!?

Самиот израз „трговија со луѓе“ има негативен признак, а тоа, секако, е нелегално.

Придавката „нелегална“ во случајов не само што е редундантна, туку е и трагикомична.

FREE HUGS

Sun, 08 Oct 2006 19:54:26 +0000

Еве пример за одлична „граѓанска“ акција. По цел свет се организираат кампањи за изразување љубов, насловени како „Free Hugs“.

Ова спотче денес на Технорати беше рангиран на прво место.

Погледнете го спотот до крај.

Се надевам некој ќе организира нешто вакво и кај нас…

ЗАПАЛЕТЕ СВЕЌА ЗА ЗЛОУПОТРЕБУВАНИТЕ ДЕЦА НА ИНТЕРНЕТ

Mon, 02 Oct 2006 20:24:50 +0000

Ве молам да запалете една, само една свеќа за децата кои невино се злоупотребуваат на интернет секој ден.

За да запалете свеќа, потребно е да ја потпишете петицијата тука.

PET SHOP BOYS во СКОПЈЕ

Fri, 08 Sep 2006 11:34:27 +0000

По повод ребрендирањето на првиот македонски мобилен оператор Мобимак во T-Mobile, на градскиот плоштад во центарот на Скопје, познатата британска поп-група Pet Shop Boys одржа 90 минутен концерт на отворено пред 50.000 публика.

Упсала

Wed, 16 Aug 2006 09:40:16 +0000

Од синоќа сум во Упсала, Шведска. Ќе учествувам на една научна конференција организирана од Универзитетот во Упсала.

Еве што се гледа од мојов прозорец во Akademihotellet.

ЗА ИЛИ ПРОТИВ?

Sat, 12 Aug 2006 19:05:59 +0000

Денес во Веро купив средство против комарци во мало пластично шише, оти претходното ми се испразни.

Но, дома гледам на фискалната сметка пишува:

Средство РАИД за комарци.

Јас мислев дека купувам средство против комарци, а не за комарци

СВЕЖИ ПАРИ

Fri, 11 Aug 2006 14:17:37 +0000

Последниве неколку недели, во банка, во пошта, по продавници, на повеќе места ми даваат „ганц“ нови пари.

Кога овие пари ги давам на друго место, плус ако се повеќето нови, веднаш им станувам сомнителен, па ги проверуваат парите да не се фалсификати.

И така, целава работа ме потсеќа на Нушиќевото дело…

КОЈА 2007 ГОДИНА?

Thu, 10 Aug 2006 10:20:43 +0000

Во извештаите на македонските медиуми честопати се среќаваат изрази како „во наредната 2007 година“.

Ако има „наредна 2007 година“, би требало да има и „оваа 2007 година“, како и „минатата 2007 година“, но и „предминатата 2007 година“, „2007 година од пред десет години“, и др.

Во 2006 година, 2007-та година е идно време, така да не може „идното време“ да има придавка која семантички има значење на „идно време“.

СИГ Македонски јазик

Wed, 09 Aug 2006 20:32:53 +0000

Членовите на Менса Македонија основаа уште еден СИГ (special interest group, група со специјален интерес): СИГ Македонски јазик.

Засега има само тројца членови.

Повеќе информации на сајтот на mailing list-ата на СИГ Македонски јазик.

Езерце „Треска“

Wed, 02 Aug 2006 13:56:12 +0000

Езерце „Треска“. Денес бев. После повеќе години.

Наликуваше на напуштено место. Ништо не се одржува. Трева до колена. Објектите напуштени. Луѓе? Само ниска класа, кои не обрнуваат внимание на написот „Забрането капење“.

Прошетката траеше цели 5 минути. Не можев повеќе.

Поминував покрај гардеробите кои на времето беа преполни. Се чекаше пред врата. Ред.

Рестораните на 2 август целосно празни.

Кога се враќав, не можев со колата да одам во рикверц, оти позади се одмараше една крава. Само една од целото стадо. Тоа што требаше да биде спортски и рекреативен центар за Скопјанци, денес служи како пасиште за крави.

Се’ наликуваше на некој научно-фантастичен филм. Како да се враќав на местото после нуклеарна војна. Се’ е запустено.

Да се изгради таков проект во денешни услови е незамисливо. Езерцето „Матка“ и изградено во едно друго време. Кога се’ правевме со наши пари. Го изградивме со нашите „солидарни“ пари.

Кога веќе е изградено, само во Македонија може некој таков проект да биде целосно руинирано.

Голем срам.